Eiga at lofta kvinnunum tá tær flyta út aftur

Í Danmark eru góðar royndir við, at kreppumiðstøðir fyri kvinnur hava ein samskipara, sum betur kann lofta kvinnunum, tá tær flyta úr kreppumiðstøðini.

Hetta er til dømis ein, sum samskipar samstarvið við aðrar almennar stovnar og hjálpir kvinnunum við at koma út aftur í samfelagið.

Ann-Britt Mortensen, starvast í Kvinnuhúsinum, og hon heldur, at ein tílík royndarskipan hevði riggað væl í Føroyum.

Serliga útlendskar kvinnur eru ein bólkur, sum ofta hevur lítið netverk og ikki allar duga málið. Tí kundi ein tílík royndarverkætlan verið góð fyri júst hendan bólkin, sigur Ann-Britt Mortensen.

Hon var saman við øðrum starvsfólkum í Kvinnuhúsinum á árligu ráðstevnuni, "Norðurlendskar kvinnur ímóti harðskapi," sum var í Keypmannahavn herfyri.

Endamálið við eini tílíkari verkætlan er at styrkja kvinnurnar og fyribyrgja at tær afur enda í harðskapsraktum parlagi.

Trýst á pílin á myndini fyri at hoyra samrøðuna við Ann-Britt Mortensen