Heimavirkisvirkisfelagið fegnast um uppskotið

Fyri fimtu ferð er uppskotið um at avtaka meirvirðisgjald á heimavirkisvørum og geva skattalætta til tey, ið gera heimavirkisvørur, lagt fyri Løgtingið.

Tað er fólkaflokkurin, sum eigur uppskotið, og tað varð felt í 2015, 2016, 2017 og fyrr í ár.

Í andstøðu fekk fólkaflokkurin ikki meiriluta fyri uppskotinum, men hesaferð kemur uppskotið frá landsstýrinum.

Forkvinnan í Heimavirkisfelagnum, Margretha Hermansen, fegnast um uppskotið.

Ætlanin við uppskotinum er, at heimavirkisvirksemi skal sleppa undan meirvirðisgjaldi, og bert tann parturin, sum fer uppum 50.000 krónur árliga, skal skattast við 15 prosentum. Forkvinnan í Heimavirkisfelagnum sigur, at tað ger stóran mun.

Fyrr í ár talaðu Maj-Britt Jacobsen og Sissal Kristiansen at uppskotinum. Tær arbeiða við føroyskari sniðgeving og klædnaframleiðslu.

- Tað er niðurgering av okkara yrki, at politikarar tosa um okkara vinnu sum eitt ítriv, og ikki sum eina vinnu, sum er við til at halda samfelagnum uppi, sigur Sissal kristiansen, sum eigur Shisa Brand.

Maj-britt Jacobsen, sum eigur handilin Marjun Heimá, sigur, at tey ikki kunnu kappast við heimavirkisfeløg.

Margretha Hermansen er ikki samd í, at tað er keðiligt fyri vinnuna, at tey, sum binda sum ítriv fáa hesar sømdirnar.