- Tíðindi, mentan og ítróttur
26 fakfeløg stúra fyri Samhaldsfasta
Í felags yvirlýsing sláa 26 fakfeløg manngarð um Samanhaldsfasta. Yvirlýsingin kemur eftir fund við Jørgen Niclasen, landsstýrismann í fíggjarmálum, 7. oktober, har ætlanin hjá landsstýrinum at broyta verandi pensjónsskipan varð umrødd.
Á fundinum við fakfeløgini vísti Jørgen Niclasen á, at ætlanin er ikki at nerta Samhaldsfasta, men at ein aldurstrygdargrunnur skal setast á stovn. Enn er ikki greitt, hvussu hesin grunnur skal virka.
Les eisini: Jørgen roynir at sissa fakfeløgini.
Hoyr samrøðu við Sonju Jógvansdóttir, samskipara hjá Samtaki, við at trýsta á pílin undir myndini.
FAKTA: YVIRLÝSINGIN FRÁ 26 FAKFELØGUM:
Latið Samhaldsfasta fáa frið!
Samhaldsfasti Arbeiðsmarknaðareftirlønargrunnurin er ein sólskinssøga og riggar væl. Útgjaldið í dag er 5.590 kr um mánaðin, og tað er eitt týðandi ískoyti hjá øllum pensjonistum. Øll rinda, og øll fáa – ongin verður settur eftir, og ongin skal setast eftir.
Um samgongan ætlar at gera broytingar í pensjónini, so skal tað ikki gerast við at fara eftir Samhaldsfasta Arbeiðsmarknaðareftirlønargrunninum. Samhaldsfasti riggar væl og er eitt týðandi íkast hjá øllum pensjonistum í dag.
Grunnurin fór at virka í 1992 í ringastu kreppuárum, tí partarnir á arbeiðsmarknaðinum saman við politikarum úr øllum flokkum sóu, hvussu neyðugt tað var at hava ein arbeiðsmarknaðareftirlønargrunn afturat almennu pensjónini og møguligari persónligari eftirløn.
Partarnir á arbeiðsmarknaðinum hava inngoldið í og umsitið grunnin ábyrgdarfult frá byrjan, og hetta sæst aftur í dag.
Samhaldsfasti hevur prógvað sítt virði og er fyri øll, tað skal hann framhaldandi vera.
Boðskapurin frá undirritaðu fakfeløgum er greiður – latið Samhaldsfasta fáa frið.
Akademikarafelag Føroya
Búskapar- og Løgfrøðingafelag Føroya
Bioanalytikarafelagið
Fakfelagssamstarvið
Felagið Føroyskir Sjúkrarøktarfrøðingar
Føroya Arbeiðarafelag
Føroya Handverkarafelag
Føroya Fiskimannafelag
Føroya Lærarafelag
Føroya Pedagogfelag
Grafiska Yrkisfelagið
Havnar Arbeiðarafelag
Havnar Arbeiðskvinnufelag
Havnar Handverkarafelag
Heilsuhjálparafelag Føroya
Heilsurøktarafelagið
Klaksvíkar Arbeiðskvinnufelag
Klaksvíkar Arbeiðsmannafelag
Landsfelag Handverkaranna
Ljósmøðrafelag Føroya
S&K Felagið
Samtak
Skála Handverkarafelag
Starvsmannafelagið
Vágs Handverkarafelag
Tvøroyar Handverkarafelag
Tak niður
Sí eisini