Ætlanin um aftur at broyta fiskivinnulógina festir nýtt lív í kjakið um tilfeingisrentuna, hvussu stór hon er - og hvussu stóran part av henni landskassin skal krevja inn.

Tilfeingisrentan er virðið á framíhjárættinum at sleppa at fiska

Ein høvuðsbroyting í nýggja fiskivinnupolitikkinum er, at uppboðssølan av veiðirættindum fer í søguna og harvið eisini besti mátin at finna útav, hvat virði tilfeingið í havinum hevur fyri tey, sum vilja fiska tað.

Hin mátin at áseta virðið á tilfeinginum er at rokna tað út. 

Hans Ellefesen er serfrøðingur í tilfeingisbúskapi. Hann hevur skrivað Ph.D.-ritgerð um tilfeingsbúskap, hevur verið ráðgevi í Fiskimálaráðnum og undirvísir og granskar í dag á Fróðskaparsetrinum.

Hann greiðir frá, hvussu búskaparfrøðin roknar seg fram til milliardastóru tilfeingisrentuna, og hvussu hýrur og profittur í fiskivinnuni ávirkast av, hvussu nógv ella lítið landið velur at taka inn av henni.