Gera trygdarrúm á Tinganesi

Landsstýrismaðurin í uttanríkismálum segði við Breddan í gjár, at landsstýrið er í fer við at gera trygdarrúm úti á Tinganesi. Somuleiðis verða mannagongdir gjørdar, um hvør hevur atgongd til viðkvæmar upplýsingar.

Hetta eru nøkur av formellu krøvunum, sum skulu uppfyllast, skulu Føroyar gerast ein virknari og sjálvstøðugari leikari á uttanríkispolitiska pallinum, segði Jenis av Rana, landstýrismaður í uttanríkismálum.