- Tíðindi, mentan og ítróttur
Brexit: Fleiri arbeiðsbólkar settir
03.02.2020 - 09:38
Innlendis›Politikkur
Brexit: Fleiri arbeiðsbólkar settir
Ætlanin er at fáa fleiri avtalur í lag millum Føroyar og Bretland, áðrenn skiftistíðin hjá Bretlandi fer á nýggjárinum
Uttanríkisráðið hevur sett fleiri arbeiðsbólkar, sum skulu arbeiða við at fáa avtalur í lag, áðrenn skiftistíðin hjá Bretlandi er av á nýggjárinum.
Viðurskiftini hjá føroyskum lesandi í Bretlandi, møguleikin hjá føroyingum at koyra bil í Bretlandi, møguleikin hjá føroyingum at arbeiða í Bretlandi og hjá bretum at arbeiða í Føroyum, eru nøkur av viðurskiftunum millum Føroyar og Bretland, sum eru ógreið.
Tí higartil hava føroysir borgarar havt síni rættindi í Bretlandi gjøgnum ES-skipanina.
Fyri at fáa greiði á hesum viðurskiftum, hevur Jenis av Rana, landsstýrismaður í uttanríkismálum, givið nøkrum fólkum í Uttanríkisráðnum til uppgávu at fylgja við og at samráðast við bretar um viðurskiftini.
Tak niður
Sí eisini
Nýggjastu sendingar í ÚV
Nýggjastu sendingar í SV