Skipanin við mentarnar- og listastuðli skal endurmetast - harundir mentanarvirðislønir. 

Tað stendur í samgonguskjalinum, sum varð undirskrivað 14. september í fjør. 

Málið er at fáa lýst, um tær stuðulsskipanir, sum landið hevur, virkar eftir ætlan, og um landið fær tað burturúr stuðlinum, sum landið eigur, segði Jensi av Rana við Sosialin í fjør. 

Eftirmetingararbeiðið lista- og mentanarstuðlinum er nú byrjað.

Danmark, Føroyar og Grønland hava ikki eitt felags útgangsstøði til samstarvið í Arktis. Tí er tað týdningarmikið, at framtíðar arktiska strategiin virðir, at londini hava ymisk áhugamál og raðfestingar. 

Tað er boðskapurin í eini kjakíkasti, ið Bárður á Steig Nielsen, løgmaður, hevur skrivað til danska miðilin altinget.dk. 

Kjakíkastið kemur í kjalarvørrinum av, at ferð av álvara er sett á arbeiðið at gera eina felags arktiska strategi fyri allan ríkisfelagsskapin. Hol er sett á arbeiðið í samband við at núverandi strategiin, ið bleiv orðað í 2011, endar í ár.

Fundur verður hildin í Illulisat í Grønlandi um ein mánaða, har politikkarar úr øllum trimum londum koma saman at tosa um nýggja arktiska politikkin. 

Og tað er eitt arbeiðið, ið sambært løgmanni, kemur í tøkum tíma, tí trýstið frá útlendskum stórveldum sum USA, Russland og Kina, á tey arktisku londidi, veksur í heilum. 

Eru landsroyndirnar í føroyska fólkaskúlanum nøtkandi og virka tær eftir ætlan? 

Tann spurningin seta vit í dag eftir at danska stjórnin hevur tikið avgerð um at broyta landsroyndirnar í fólkaskúlanum, og royndirnar harumframt verða sjálvbodnar fyri flestu skúlar. Hetta verður gjørt, tí eitt nýskrivað tilmæli sigur, at verandi landsroyndir ikki gevur eina rættvísandi mynd av veruliga støðinum hjá næmingunum.

Landsroyndirnar í Føroyum eru nakað ørvísi skipaðar enn í Danmark.

Næmingarnir í Føroyum eru einans til landsroynd tvær ferðir í skúlagongdini, í 4. og 6. flokki. Harafturímóti eru næmingarnir í donsku fólkaskúlunum til landsroynd tíggju ferðir í teirra tíðarskeiðið í fólkaskúlunum.

Men eru royndirnar viðkomandi, hvat verður kannað og hvat verður úrslitið brúkt til?

Luttakarar: Jenis av Rana, Hansina Iversen, Kinna Poulsen, Jens Christian Svabo Justinussen, Bárður á Steig Nielsen, Jónleif Johannesen, Jacob Eli S. Olsen og Eyðun Gaard.