Uppkolað ljósakrúna

Tá ið Skeiva Pakkhús skuldi byggjast um til matstovu, vórðu boð send eftir Heina Weihe at sniðgeva.

Saman við Mayfinni Norðoy fór hann í gongd við hetta heldur umfatandi arbeiðið at innrætta og sniðgeva gomlu kolagoymsluna til bæði matstovu og barr. Stóru ljósakrúnuna, sum hongur mitt í hølunum í Skeiva Pakkhúsi, hevur Heini sjálvur sniðgivið.

Hetta er eitt hugskot, hann sjálvur kom við, tí hann metti, at brúk var fyri kontrasti, t.v.s. onkrum, sum breyt frá eitt sindur penu heildini. Ljósakrúnan skal ímynda eitt gløðandi petti av kol, sum brestur.

Heini Weihe var gestur í vikuskiftissendingini 28. februar.