Vilja hava kvotu ella tíggjutals milliónir

- Nøkur túsund tons av kvotu, ella nakrar tíggjutals milliónir krónur.

Tað metir reiðaríið North West Pelagic seg hava rætt til í endurgjaldi úr Fiskimálaráðnum.

Endurgjaldskravið røkkur heilt aftur til 7. mars í 2016, tá reiðaríið misti øll síni rættindi at reka fiskiskap.

Fiskimálaráðið var seinni dømt at viðurkenna, at ráðið hevði ikki heimild at taka rættindini frá reiðarínum.

- Fiskimálaráðið fær okkara uppgerð fyrsta dagin, og vónandi finna vit eina semju, soleiðis at vit sleppa undan einum rættarmáli afturat, sigur Jógvan Martin Ferjá Joensen, reiðari: