Helgi vil finna pengarnar til Trom

27.06.2020 - 17:48
AktueltPolitikkur
Helgi vil finna pengarnar til Trom
-Málið verður tikið upp á landsstýrisfundi týsdagin, so pengarnir vónandi kunnu játtast á eykajáttanarlógini í heyst, sigur Helgi Abrahamsen.

Tak niður

Í løgtinginum í gjár royndu andstøðuflokkarnir at fáa 17 undirskriftir fyri at sleppa at leggja eitt uppskot fram, sum skal tryggja, at upptøkurnar til Trom verða gjørdar í Føroyum. Men tað eydnaðist ikki.

Stigtakararnir til filmsverkætlanina boðaðu í vikuni frá, at um fýra milliónir krónur í afturberingarstuðli ikki fáast úr Føroyum, so verða upptøkurnar til krimirøðina gjørdar í Íslandi ístaðin.

Landsstýrismaðurin við ábyrgd av føroysku filmsvinnuni vissar tó um, at hann ikki hevur ligið sjóvarfallið av sær:

-Og eg fari at gera mítt til at finna neyðugu pengarnar, sigur Helgi Abrahamsen.

Landsstýrismaðurin í vinnumálum fer nú at biðja samgonguna um pengar til filmsverkætlanin Trom.

-Málið er at fáa pengarnar við á eykajáttan í heyst, sigur Helgi Abrahamsen, sum fer at taka málið upp á landsstýrisfundi týsdagin.

Sambært stigtakarunum er tørvur á fýra milliónum krónum í afturberingarstuðli, fyri at krimirøðin skal kunna filmast í Føroyum, og ikki í Íslandi, har hesin stuðul longu er tøkur.

Í lesarabrævi í kvøld mælir Torbjørn Jacobsen, borgarstjóri í Runavíkar Kommunu, til, at Kommunufelagið, Mentamálaráðið og Vinnumálaráðið skjótast gjørligt seta seg saman fyri at finna neyðugu fíggingina. Og Runavíkar Kommuna er sinnað at stuðla fíggjarliga, skrivar borgarstjórin.

Hoyr innslag við at trýsta á pílin undir myndini.

 

 
 
Nýggjastu sendingar í ÚV
Fríggjadag 7. august
Summartímin hósdag 6. august
112060
Fríggjadag 7. august
Morgunlesturin fríggjamorgunin 7. august 2020
111745
Mikudag 5. august
Ein táttur er silvur 5. partur
112000
Nýggjastu sendingar í SV
Mikudag 5. august
Tíðindafundur og Dagur og vika
111992
Hósdag 30. juli
Midnáttarsangur
111814
Mikudag 29. juli
Upp á gólv
111810
Mikudag 29. juli
Á ólavsøku 2:2
111809
Mikudag 29. juli
Tingið verður sett
111807