Russiskur sjómaður innlagdur við koronu

Hann var innlagdur á Klaksvíkar Sjúkrahús í gjár við lungnabruna, og á middegi í dag varð staðfest, at hann er smittaður við koronu.

Manningin umborð á trolaranum hevur - sambært landslæknanum - ikki verið í landi.

Hinvegin hava tríggir føroyingar verið umborð á russiska trolaranum, sum hevur verið í Klaksvík seinastu dagarnar.

Teir tríggir føroyingarnir eru kannaðir fyri koronu og hava avrátt við sín arbeiðsgevara at fara fyribils í heimauppihald.

Tvey starvsfólk á Klaksvíkar sjúkrahúsið eru farin í sóttarhald.