- Tíðindi, mentan og ítróttur
Korona hevur ikki breitt seg á sjúklingahotellinum
26.07.2020 - 14:49
Innlendis›Heilsa
Korona hevur ikki breitt seg á sjúklingahotellinum
Fyrstu kanningarúrslitini á sjúklingahotellinum í Keypmannahavn vísa, at koronasmittan hevur ikki breitt seg.
Fríggjadagin var koronasmittan staðfest á sjúklingahotellinum í Keypmannahavn.
Ein avvarðandi, sum hevur verið á sjúklingahotellinum í vikuni, kannaði seg fyri koronu mikudagin.
Og fríggjadagin komu boðini um, at hon hevði koronu.
Síðan eru øll, sum eru og hava verið á sjúklingahotellinum, kannaði fyri koronu.
Kanna aftur seinni
Koronasmittan er lúmsk, tí hon kann bróta út seinni.
Tí verða øll á sjúklingahotellinum kannaði aftur um nakrar dagar.
Eisini verða leiðreglurnar á sjúklingahotellinum herdar.
Leiðreglurnar og mannagongdirnar hava verið ymiskar seinastu mánaðirnar.
Nú verður aftur umhugsað at kanna øll, sum koma til Danmarkar á sjúklingahotellið.
Tak niður
Nýggjastu sendingar í ÚV
Nýggjastu sendingar í SV