Vil hava loftbrúgv til Russlands

29 nýggir smittutilburðir eru staðfestir umborð á russkiskum trolaranum Yantarnyy, sum í gjár kom á Kollafjørð. Heilsustøðan hjá tveimum teirra var so mikið vánalig, at teir blivu fluttir á sjúkrahúsi í gjárkvøldið. 

Talan er um sama trolara, sum eisini lá við bryggju við Ánirnar í juli, og sum tá noktaði myndugleikunum at kanna manningina fyri korona. 

Men hesaferð settu umboðsmaðurin fyri skipið seg í samband  við føroyskar myndugleikar, áðrenn skipið legði at landi, upplýsir Michael Boolsen, fúti.

Kreppuráðið skal á fund um hvat skal gerast við skipið og manningina í dag, men við útvarpið á middegi segði Lars Fodgaard Møller, at hann mælir til, at manningin verður flutt aftur til Russlands. 

G.G. Í samrøðuni varð sagt, at 28 vóru smittað, men tað er síðani broytt til 29

og tað er kreppuráðið sum skal hittast at viðgerða støðuna og ikki farsóttarnevdnin sum sagt var í innslagnum.