ÍSF og sersambondini ganga óvissa framtíð í møti

21.10.2020 - 10:34
AktueltSamfelag
ÍSF og sersambondini ganga óvissa framtíð í møti
ÍSF-umsitingini og sersambondini ganga eina óvissa framtíð í møti tí einki nýtt ÍSF-hús stendur klárt, nú gamla húsið verður tikið niður.
Mynd: Bjarni Árting Rubeksen  

Tak niður

Ein býarmynd í Havn - ein av hornasteinunum undir føroyskum ítrótti - verður nú ruddað og tikin niður. 

Talan er ÍSF-húsið í Gundadali, sum má víkja, nú Tórshavnar kommuna fer at byggja ein langhyl á økinum, har húsið stendur. 

Seinastu sersambondini og sjálv ÍSF umsitingin pakka í hesum døgum alt niður og gera klárt at flyta út síðst í vikuni. 

Aðalskrivarin í ÍSF, Petur Mittún, viðgongur, at ÍSF og sersambondini ganga eina eitt sindur óvissa hølis-framtíð í møti. 

Hondbótssambandið er størsta sersambandið, sum enn er undir ÍSF og húsast í ÍSF-húsinum. 

Ári Rouch, aðalskrivari í Hondbóltssambandinum, roynir ikki at fjala útyvir, at støðan ikki er nøktandi fyri hondbóltin, sum hevur gjørt risa-framstig seinastu árini. 

Arbeiðið við at finna eina varandi loysn, sum skal húsa ítróttinum í Føroyum er í gongd, sigur Petur Mittún, ÍSF-aðalskrivari. 

Men stóra framgongdin, sum er hend innan hondbóltin seinastu árini, kann gera, at Hondbóltssambandið fer at ger sum Fótbóltssamband Føroya og flyta út undan veingjabreiðinum hjá ÍSF. 

Herfyri flutt Svimjisambandið eisini inn til Runavíkar, og Petur Mittún, ÍSF-aðalskrivari, ásannar, at skal Ítróttarsambandið ikki syndrast, so er neyðugt, at tað hevur skund at fáa bygt eitt nýtt ÍSF-hús. 

ÍSF-húsið var upprunaliga húsið hjá hondbóltsfelagnum Neistanum, sum lat húsið byggja í 1963 og 64. Ítróttarsamband Føroya yvirtók húsið í fyrru helvt av sjeytiárunum og hevur húsast har síðani. Húsið bleiv útbygt rættiliga nógv í 1982. 

 
 
Nýggjastu sendingar í ÚV
Mánadag 8. mars
Nón 8. mars 2021
121302
Mánadag 8. mars
Norðurljóð 8.mars 2021
121258
Mánadag 8. mars
Áðrenn Elvis
121298
Nýggjastu sendingar í SV
Týsdag 9. mars
Toke M. Carlsen, Fróðskaparsetrið
118848
Sunnudag 7. mars
Andakt við Margareth Djurhuus
121249
Sunnudag 7. mars
Guðstænasta í Vesturkirkjuni
121251
Leygardag 6. mars
FMA 2021
121234