Hesir tora væl at gráta

27-11-2020

Henrik Old, Gunnar Hjelm og Bergtórur Hjelm Bjarkhamar viðgjørdu evnið 'menn og grátur'

Grátur - vit gráta, tá ið vit verða ávirkaði kensluliga. Men tað er ymiskt hjá okkum menniskjum, hvussu lætt kenslurnar fara avstað við okkum.

Tað er ein sannroynd, at yvirskipað fella kvinnur fleiri tár enn menn. Í miðal gráta tilkomnir menn 0-1 ferð um mánaðin, ímeðan kvinnur gráta 4-5 ferðir um mánaðin. Tað staðfestir kanning gjørd á Tilburg University í Hollandi.

Men so ymisk sum kynini eru, so ymiskir eru menn eisini. Summir hava lættari at fella tár enn aðrir. Men vit síggja alsamt oftari menn gráta, tá teir eitt nú eru til fótbóltsdystir, tá ið teir úttala seg í miðlunum o.s.fr.

Hoyr hvat Gunnar Hjelm, Bergtórur Hjelm Bjarkhamar og Henrik Old høvdu at siga um tað at gráta.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)