- Tíðindi, mentan og ítróttur
Níggju av manningini fingið koronu
14.12.2020 - 13:52
Innlendis›Heilsa
Níggju av manningini fingið koronu
Kanningarstovan Thetis kannaði danska sjóverjuskipið Thetis
Mynd: MarineTraffic.com
Níggju av manningini á danska sjóverjuskipinum, Thetis, hava fingið staðfest koronu. Kanningarstovan Thetis kannaði leygardagin manningina á Thetis, og tað varð gjørt í Klaksvík.
Úrslitið vísti, at fimtingur av manningini varð smittaður, og tí varð avrátt at seta beina kós til Danmarkar.
– Ikki er greitt, hvaðani smittan stavar, sigur Lars Nielsen, kommandørkapteynur og stjóri á sjóverjuskipinum, Thetis.
Tá ið manningin kemur til Danmarkar, verður hon aftur kannað og koyrd í sóttarhald í Frederikshavn í Norðurjútlandi.
Sjóverjuskipið verður vaskað, og so skjótt sum kanningar staðfesta, at manningin ikki hevur koronu, verður farið umborð aftur, og kós sett móti Føroyum.
Tak niður
Sí eisini
Nýggjastu sendingar í ÚV
Nýggjastu sendingar í SV