Børn eru ikki før fyri at vita, hvat er best fyri tey, og tí skulu tey ikki setast í støður, har tey sjálvi skulu taka støðu til ymiskt.

Tað heldur Vígdis Skorheim, familjuráðgevi. Hon er námsfrøðingur og hevur lisið námsfrøðiliga sálarfrøði.

Í morgunsendingini greiddi hon frá um uppaling og uppalingarhættir.

Eitt nú fortaldi hon, hvussu foreldur eiga at gera, tá familjan er til handils, barnið vil hava bomm, og foreldrini siga nei.