Vinnuhúsið: Koppsett eiga at fáa framíhjárætt

Arbeiðsgevarafelagið biður nú myndugleikarnar skipa mannagongdir, tilmæli og ráðgeving um, hvussu samfelagið skal skipast øðrvísi, so hvørt sum alsamt fleiri fólk eru liðugt koppsett fyri korona.

Felagið er av tí áskoðan, at tey koppsettu eiga sjálvandi at sleppa at gera alt tað, sum verður mett at vera nóg trygt. Antin tað so er at ferðast um føroyska landamarkið við lagaligari treytum, ella at savnast á matstovum og til tiltøk í størri bólkum enn ókoppsett kunnu.

– Smáligheit og øvundsjúka eigur ikki at forða fyri, at liðugt koppsett fólk í eitt tíðarskeið fáa lagaligari treytir enn tey, sum ikki eru liðugkoppsett sigur Arbeiðsgevarafelagið.