- Tíðindi, mentan og ítróttur
SEV: Vindmyllulund verður dýr fyri brúkaran
Vindmyllulundin, sum Umhvørvisstovan hevur givið loyvið til í Hoyvíkshaganum, fer at seta elskipanina undir óneyðuga stórt trýst. Tað sigur nevndarformaðurin í SEV, Kári Johansen. SEV kærdi í mars avgerðina hjá Umhvørvisstovuni at lýsa nýtt vindorkuútboð í Hoyvíkshaganum.
Fyrradagin kunngjørdi Umhvørvisstovan, at Vindrøkt fær loyvi at framleiða el við Gellingarklett í Hoyvíkshaganum.
Sambært Johan í Nirðristovu, so fara vindmyllurnar at kunna framleiða 100 gw tímar um árið, sum svarar til samlaðu elnýtsluna hjá øllum húsarhaldum í Føroyum.
Kæran hjá SEV fær ikki ávirkan á fyrireikingarnar hjá Vindrøkt at seta vindmyllur upp, og Vindrøkt hevur longu bílgat myllurnar frá veitaranum.
Sambært SEV, so hevur vindútboðið við sær, at í tíðarskeiðnum frá 2022 til 2025 skulu SEV og brúkarin rinda umleið 109 mió. kr fyri at spara uml. 41 milliónir krónur í olju.
Tak niður