Rottuótti í Nólsoy

15.05.2021 - 12:45
InnlendisSamfelag
Rottuótti í Nólsoy
-Tað er sera álvarsamt, um rotta er í Nólsoy. Tí gera vit alt fyri at útihýsa, at rotta kann nørast har, sigur Rannvá Arge.

-Tað er sera álvarsamt, um rotta er í Nólsoy. Og tí binda vit um heilan fingur og gera alt fyri at útihýsa, at rotta kann nørast í oynni. Tað sigur Rannvá Arge, sum starvast á Umhvørvisdeildini hjá Tórshavnar Kommunu.

Rottugift og fellur eru áveg út til Nólsoyar, eftir at ein rotta - ella møguliga ein mús - varð funnin umborð á Erlu Kongsdóttir í gjár.

Tilbúgvingin verður sett í gongd, hóast tað ongantíð varð staðfest, um tað var ein rotta ella ein mús. Djórið varð tveitt fyri borð, tá tað varð fangað. 

Rotta er ongantíð komin fyri seg í Nólsoy, og tann støðan skal varðveitast. Tí byrjar rotta at nørast í oynni, so vil tað vera til stóran ampa fyri náttúruna og djóralívið í oynni, sigur Rannvá Arge.


 

 
Er kopiera

Tak niður

Nýggjastu sendingar í ÚV
Nýggjastu sendingar í SV
Týsdag 26. mars
Veðrið
172832
Mánadag 25. mars
Beautyvarpið við Tanju
172718
Sunnudag 24. mars
Mein fyri lívið
172652