Smittaður í Føroyum: Onkur gongur runt og smittar

Tað er sannlíkt, at fleiri føroyingar eru smittaðir við koronu uttan at vita av tí.

Tað heldur í øllum førum Hans Blaasvær, sum fyrradagin fekk staðfest korona.

Hann veit ikki, hvør smittukeldan er; ikki annað enn at hon er - ella hevur verið - í Føroyum.

Tveir tilburðir við ókendari smittukeldu

Hans Blaasvær er ikki hin einasti, sum er smittaður í Føroyum av ókendari smittukeldu.

Tveir tilburðir vórðu staðfestir í gjár, siga nýggjastu tølini frá Landslæknanum. Annar teirra var ikki partur av smittuketu.