Fólkaskúlin endaður í sáttmálatrætuni

- Fólkaskúlin er gísli í eini sáttmálatrætu, sum vit einki eiga í. Avleiðingin er, at skúlarnir noyðast at senda næmingar við serligum tørvi til hús, tí vit ikki fáa boðið teimum eitt trygt og gott skúlatilboð.

Tað sigur Jónleif Johannesen, formaður í Skúlaleiðarafelagnum, sum sigur støðuna at vera óhaldbara.

Eftir 24 tíma verkfall hjá Pedagogfelagnum í gjár, eru allir námsfrøðingar í fólkaskúlunum kring landið raktir av verkbanni, sum fíggjarmálaráðið og Kommununala arbeiðsgevarafelagið hava sett í verk.

Hoyr innslag í útvarpstíðindunum.