Reyði Krossur: Føroyar hava skyldu at taka ímóti flóttafólkum

Í útvarpstíðindunum í gjár segði Bárður á Steig Nielsen, løgmaður, at Føroyar ikki eru til reiðar at taka ímóti flottafólki, men heldur eiga at hjálpa á staðnum.

Fyrrverandi løgmaður, Jóannes Eidesgaard, sum er formaðurin í Reyða Krossi Føroyar er ósamdur í sjónarmiðnum:

Reyði Krossur Føroya er til reiðar at hava ein virknan leiklut, um flóttafólk komu úr Afganistan til Føroya.

Hjálparfelagsskapurin hevur eitt sterkt netverk við umleið 200 sjálvbodnum fólkum við ymiskum førleikum.

Jóannes Eidesgaard er sannførdur um, at Reyði Krossur saman við myndugleikunum, í felag, høvdu loyst avbjóðingina til fulnar.