Gevast at kanna fyri koronu við landamarkið

Kravið um koronukanning við landamarkið í Føroyum verður strikað 1. september.

Tað avgjørdi farsóttarnevndin á fundi í gjár.

Michael Boolsen, formaður í farsóttarnevndini, sigur, at smittustøðan í landinum er so mikið góð í løtuni, at tað verður hildið ráðiligt at sleppa kravinum.

Nevndin hevur givið landsstýrinum nøkur tilmæli, men Michael Boolsen vil einki siga um tilmælini, fyrr enn landsstýrið hevur tikið støðu til tey.