- Tíðindi, mentan og ítróttur
Formansvalið í Siumut fær stóra ávirkan á grønlendskan politikk
"Formansvalið fer at hava stóra ávirkan á kósina hjá Siumut," sigur Rógvi Finnsson Johansen, sum býr í Grønlandi og arbeiðir í grønlendska heilsumálaráðnum.
Dagarnar 28. - 30. juli heldur grønlendski flokkurin Siumut landsfund, og síðst á skránni er val av formanni.
Tey trý valevnini eru núverandi formaðurin, Erik Jensen, fyrrverandi formaðurin, Kim Kielsen og Aki-Matilda Høegh-Dam, sum umboðar Grønland á fólkatingi.
Sambært Rógva Finsson Johansen, so eru valevnini ymisk.
"Erik Jensen semjusøkjandi. Kim Kielsen hevur greiðar meiningar og stendur meira fyri einum sentralum stýri av flokkinum, sum ger stríð ofta stendst av tí. Aki-Matilda Høegh-Dam dyrkar nógv stríðið millum Danmark og Grønland."
Formansvalið hevur stóran týdning fyri flokkin og grønlendskan politikk sum heild, sigur Rógvi Finnsson Johansen, sum heldur tað vera ringt at meta um, hvør fer at fara við formanssessinum.
Tak niður
Sí eisini