Sverri sannførandi í finaluna

Sverri Sandberg Nielsen tryggjaði sær fyrrapartin pláss í finaluni í World Cup-stevnuni, sum er í Zagreb. 

Miðvingurin í einskullaranum róði sannførandi í hálvfinaluni og kom á mál trý sekund frammanfyri Gonzalo Garcia Ferrero úr Spania, sum var næstfremst.

Í hinari hálvfinaluni endaði Bastian Secher, sum eisini umboðar Danmar, á triðja plássi og fekk síðsta finaluplássið.

Teir báðir dystast um danska EM-plássið, og um metast skal út frá hálvfinalunum, hevur føroyingurin betri kort á hondini undan finaluni í morgin.

Sverri Sandberg Nielsen róði nevniliga teir 2000 metrarnar upp á 06.58.66 minuttir, meðan Bastian Secher brúkti 07.03.86 minuttir uppá  teinin.

Bert ein rógvari róði skjótari enn Sverri Sandberg Nielsen í hálvfinalunum. Tað var týskarin, Oliver Ziedler, við tíðini  06.58.40. 

Finalan í M1x-bólkinum verður sunnudagin klokkan 13:11.