- Tíðindi, mentan og ítróttur
Markleys útbúgving 2013
Í dag var árliga tiltakið Markleys útbúgving í Norðurlandahúsinum. Anna Maria Dam Ziska var á staðnum og tók nakrar myndir. Eisini prátaði hon við nakrar av luttakarunum um tiltakið.
Hørður Askham, 19 ár, Handilsskúlin í Tórshavn.
Hvat heldur tú um dagin inntil víðari?
- Hann hevur verið ordiliga áhugaverdur. Mann lærir nógv av at vera til fyrilestrarnar.
Hvørjum hevur tú lurtað eftir?
- Havi lurtað eftir fyrilestrum um víðari lesna í Noregi, um Námsfrøðiliga útbúgving, KT-verkfrøði, og um víðari lesna í Australia.
Hvat ætlar tú tær at gera aftaná skúlan?
- Eg havi ikki funnið útav tí enn. Tí ert tað gott við einum sovorðnum degi, har ein verður kunnaður um útbúgvingar- og arbeiðsmøguleikarnar.
Lena Jacobsen, 18 ár, Studentaskúlin í Kambsdali.
Hvat heldur tú um dagin inntil víðari?
- Hann hevur verið góður. Áhugaverdir fyrilestrar o.s.fr.
Hvørjum hevur tú lurtað eftir?
- Tiltakið er bert komið í helvt, men fyri fyrst havi eg verið og fingið kunning um lesna í Danmark, um at lesa føroyskt á Setrinum og so um Altjóða Skrivstovuna.
Hvat ætlar tú tær at gera aftaná skúlan?
- Eg ætli mær at lesa tónleik, og síðani gerast musikskúlalærari.
Hjørtur á Fløtti, 19 ár, Handilsskúlin á Kambsdali.
Hvat heldur tú um dagin inntil víðari?
- Tað hevur verið ein fínur dagur. Alt hevur eydnast væl inntil víðari.
Hvørjum hevur tú lurtað eftir?
- Havi lurtað eftir fyrilestrum um at lesa í Stóra Bretlandi og at lesa søgu á Fróðskaparsetrinum.
Hvat ætlar tú tær at gera aftaná skúlan?
- Eg ætli mær at arbeiða í eitt ár, og síðani fari eg niður at lesa búðskaparfrøði.