Við Tórði á túri

Við Tórði á túri á Økrum
16-10-2023
Akrar varð bygd fyri góðum 200 árum síðani. Hon er niðursetubygd frá Sumba. Her hava búð meira enn 60 fólk og nú eru tey 12 sum búgva fast í bygdini

Akrar er ein lítil og ókend bygd við Vágsfjørð. Á hesum túrinum støkka vit fyrst inn á gólvið hjá Mariu og Óla Jákupi Krossteig á Leiti, sum er millum Akrar og Lopra. Tey rokast við at fletta og taka upp. Tey búgva í Havn, men eru nógv her suðuri, serliga Óla Jákup, nú hann er pensioneraður.

 

77 ára gamli Beinar Thomsen, sum býr einsamallur í barnaheiminum á Økrum, er nú elsta fólk í bygdini. Hann minnist tá tey plagdu at fara til Víkabyrgi at hoyggja. Eisini ringdu tey javnan til grannabygdina fyri at frætta tíðindi frá línuskipunum, tí tey í Víkabyrgdi hoyrdu nógv betri skipini í Radio.

 

Sólfríð Vestergaard ger mat til fjallmenninar. Um veturin er hon nógv bundin av seyði, tí maðurin Jacob Vestergaard er nógv í høvuðsstaðnum í sambandi við politiska arbeiðið. Men Sólfríð dámar væl at fara til Havnar at vitja, tí øll fýra børnini búgva í høvuðsstaðarøkinum.

 

Jacob Vestergaard greiðir frá, at Akrar er ein niðursetubygd frá Sumba og hon er góð 200 ára gomul. Hann greiðir eisini frá teimum fyrstu fólkunum. Annars hevur hann verið á fjalli í Hovi í dag.

 

Heidi Midjord Lisberg siglir við Smyrli og er júst komin í land. Vaktin hjá henni hevur hesa síðstu vikuna verið 91 tímar hesa, men so hevur hon eisini frí í tvær vikur. Hon hevur júst fingið sær ein slang og nú skal hon til Vágs á telduskeið í brodering.

 

77 ára gamla Pearl Midjord, sum er ættað úr Maleisia, hevur búð á Økrum síðani 1977. Hon hevur ógviliga grønar fingrar, tí hon fær alt at vaksa í garðinum. Tað einasta hon hevur plastikk út yvir eru jarðberini. Hitt veksur alt opið.

 

Ungi Akramaðurin Jákup Bogi Midjord Lisberg flettir fyri mammubeiggjan. Fyri tveimum árum síðani keyptu hann og daman hús í Vági. Tey vóru samd um at tað riggar ikki hjá barnafamiljum at búgva á Økrum, tí her eru eingi onnur børn. Mammubeiggin Petur Midjord er væl nøgdur við skurðin í ár.

 

Fyrr var skúlin á Leiti, sum er millum Akrar og Lopra, bæði skúli og kirkja. Men síðani skúlin helt uppat, hevur kirkja verið her burturav. Jacob Vestergaard hevur verið deknur her síðani hann flutti aftur í heimbygdina í 1990 og hann lesir lestur hvønn sunnudag.

 

 

Hesi eru við í sendingini á Økrum: Óla Jákup Krossteig, Maria Krossteig, Beinar Thomsen, Sólfríð Vestergaard, Jacob Vestergaard, Heidi Midjord Lisberg, Pearl Midjord, Jákup Bogi Midjord Lisberg og Petur Midjord

Við Tórði á túri

Í sendingini "Við Tórði á túri", sum verður send í Útvarpinum mánadag klokkan 17:05, vitjar Tórður Mikkelsen við mikrofonini bygdir og býir kring landið og varpar ljós á gerandisdagin hjá fólki. Forvitnið er drívmegin og evni, ið ikki skapa yvirskriftir í miðlunum, hava mangan stóran týdning fyri fólkið á staðnum. Tað eru nógvar smærri bygdir kring landið, sum sjáldan fáa pláss í miðlunum, men sum avgjørt hava sína søgu. Og hvørt menniskja hevur eina søgu at fortelja. Tað hoyra vit í reportasjunum í Útvarpinum mánadag klokkan 17:05. Fyri at skapa eina variatión í sendingunum, vitjar Tórður Mikkelsen viðhvørt býlingar og ávísar gøtur. Hann hevur eisini lýst serlig tiltøk, m.o. Bindifestivalin og Sjómannadagin, og onkuntíð er hann á túri í øðrum londum.
Við Tórði á túri á Sevmýri á Tvøroyri
Í dag er túrurin í býlinginum á Sevmýri, har nógvar søguligar uppgerðir hava verið í fótbólti, men her henda stórar broytingar júst nú. Og vit hitta fleiri fólk, ið búgva her
15-04-2024
Við Tórði á túri við Petur Jacobi Sigvardsen
Høvuðspersónurin á túrinum í dag er 91 ára gamli gjáarmaðurin Petur Jacob Sigvardsen, sum hevur givið fleiri og 20 bøkur út eftir at hann bleiv pensiónistur
25-03-2024
Við Tórði á túri við demenskórinum Sangfuglum
Tey hava sungið nærum kring alt landið, og tað er hugtakandi at hoyra og síggja kórið Sangfuglar við minnisveikum fólkum framføra kórsang. Kórið hevur verið til í seks ár
18-03-2024
Við Tórði á túri á kvinnudegnum
Í ár varð serliga nógv gjørt burtur úr í sambandi við kvinnudagin 8. mars. Tiltøk vóru alla vikuna og vit hoyra um nøkur á hesum túrinum.
11-03-2024
Við Tórði á túri á Breiðabliki í Havn
Fyrstu sethúsini í býlinginum á Breiðabliki í Havn vórðu reist fyri góðum 20 árum síðani. Og í dag vita tey, sum har búgva, at siga frá nógvum søgum
04-03-2024
Við Tórði á torratúri í Klaksvík
Fyri 18. ferð hava torradagar verið í Klaksvík. Eitt tiltak, sum samlar nógv fólk í sambandi við fiskivinnu og mentan. Á hesum túri vitja vit fleiri av tiltøkunum
26-02-2024
Við Tórði á túri á Gamla Hospital
Gamla Hospital í Havn, sum varð tikið í brúk í 1829, kemur nú til heiður og æru aftur. Í 43 ár hava Vanja Petersen og onnur arbeitt við at fáa tað til eitt savn ov fortíðina
19-02-2024
Við Tórði á túri á Mini Teen Street á Kambsdali
Næstseinasta vikuskifti var ein hópur av tannáringum á Mini Teen Street á Kambsdali. Í sendingini hitta vit fleiri, sum eisini plaga at vera á altjóða leguni í Týsklandi
12-02-2024
Við Tórði á túri á Garði í Keypmannahavn
400 ára gamli studentagarðurin í Keypmannahavn, Regensen, er framvegis siðbundin studentagarður og har búgva í dag fimm føroyingar. Teir gomlu siðirnir eru framvegis á Garði
05-02-2024
Við Tórði á túri í egningarskúrunum á Stongunum í Klaksvík
Útróðrarbátar í Klaksvík fáa nógvan fisk, tá tað viðrar at sleppa út. Teir eru á einum máli um, at teir hava ikki niðurfiskað toskastovnin og teir eru ósamdir við frøðingarnar
29-01-2024
Við Tórði á túri í Tilhaldinum millum Bóla í Kollafirði
Pensjonistar í Kollafirði hugna sær í Tilhaldinum millum Bóla. Men tey halda, at tey kundu verið nógv fleiri. Tilhaldið er 35 ár og tey siga, at tað var fyrsa av sínum slag
22-01-2024
Við Tórði á jólatúri
Tráan eftir farnari tíð, siðvenjur og hugni eru nøkur ting, vit seta í samband við jólatíðina. Í dag vitja vit kring landið og hesin túrur er merktur av jólafyrireiking
18-12-2023