Við Tórði á túri á Heystfagnaði á Eiði

23-10-2023

10. Heystfagnaðurin hevur júst verið á Eiði og hetta tiltakið er komið fyri at vera, og fólk á Eiði eru glað fyri av skipa fyri bygdasligasta tiltakinum í landinum

Fríggjadagin á Heystfagnaðinum er árliga seyðasýningin í seyðhúsinum uppi á Koll og áhugin er stórur. Serliga teir ungu menninir leggja seg nógv eftir at hava vakrasta seyðin í kappingini.

Leygardagurin er høvuðsdagurin á Heystfagnaðinum og nógv fólk eru í gongd frá tíðliga á morgni til seint á kvøldi. Her verða bæði neyt og seyður flett, og her eru ymiskar kappingar, framsýningar og ymiskar framførslur.

Við í hesari sendingini frá Heystfagnaðinum eru: Flóvin í Kolsbyrgi, Andras Thomsen, André Kruse, Jógvan Eidesgaard, Ansy Høghamar, Bjørg á Høgaryggi, Sigurbjørn Mørkøre, Olaf Fríðheim, Birgir Berg í Skorini, Bragi í Garði, Jack E. Petersen, Annebin Ellingsgaard, Edvard Pauli Andreasen, Hildur Kruse Sørensen, Janus Knudsen, Jóannes í Miðstovuni, Anna Paula Weihe, Marita Reinert Mohr og Jógvan í Skorini.

Við Tórði á túri

Í sendingini "Við Tórði á túri", sum verður send í Útvarpinum mánadag klokkan 17:05, vitjar Tórður Mikkelsen við mikrofonini bygdir og býir kring landið og varpar ljós á gerandisdagin hjá fólki. Forvitnið er drívmegin og evni, ið ikki skapa yvirskriftir í miðlunum, hava mangan stóran týdning fyri fólkið á staðnum. Tað eru nógvar smærri bygdir kring landið, sum sjáldan fáa pláss í miðlunum, men sum avgjørt hava sína søgu. Og hvørt menniskja hevur eina søgu at fortelja. Tað hoyra vit í reportasjunum í Útvarpinum mánadag klokkan 17:05. Fyri at skapa eina variatión í sendingunum, vitjar Tórður Mikkelsen viðhvørt býlingar og ávísar gøtur. Hann hevur eisini lýst serlig tiltøk, m.o. Bindifestivalin og Sjómannadagin, og onkuntíð er hann á túri í øðrum londum.

Við Tórði á túri á Uppsølum í Klaksvík

Uppsalar er ein av teimum fýra elstu býlingunum í Klaksvík og var tann størsti. Hann hevur røtur heilt aftur í víkingatíð

09-10-2023

Við Tórði á vatnatúri saman við Dalsgaard og Sigvardsen

Gomlu starvsfelagarnir Asfinn Sigvardsen og Jens Dalsgaard settu sær fyri trimum árum síðani fyri at ganga til øll vøtn í Føroyum. Í dag eru vit við teimum til seinasta vatnið

02-10-2023

Við Tórði á túri á oynni Egholm

Eitt vikuskifti í summar samlaðust skyldfólk úr Egholmsættini í Føroyum á oynni Egholm í Limfjørðinum við Aalborg, haðani navnið á hesum eftirnavninum kemur.

25-09-2023

Henny Egholm (2:2): Skúlagenta í Havn undir trongum korum

12 ára gomul fór Henny Egholm til Havnar at ganga í millum- og realskúla, og har búði hon undir sera trongum korum saman við mammuni ymsa staðni í býnum

26-06-2023

Henny Egholm (1:2): Úr Íslandi til Sumbiar at vaksa upp

Hetta er fyrra sending við 91 ára gomlu Henny Egholm í Havn, sum fekk eina øðrvísi byrjan í lívinum enn tey flestu.

19-06-2023

Einbúgvin av Viðareiði (2:2)

86 ára gamli Mikkjal Sørensen av Viðareiði hevur í samfull 56 ár búð einsamallur í oynni Kingitoq í Suðurgrønlandi. Vit vitja Mikkjal, sum framvegis rør út og hevur seyð

13-06-2023

Einbúgvin av Viðareiði (1:2)

86 ára gamli Mikkjal Sørensen av Viðareiði hevur í samfull 56 ár búð einsamallur í oynni Kingitoq í Suðurgrønlandi. Vit vitja Mikkjal, sum framvegis rør út og hevur seyð

05-06-2023

Víð Tórði á túri í Trongisvágsbotni

Trongisvágsbotnur er ein sonn perla, sum nógv hoyrdu um fyrstu ferð tá stórt ruddingartiltak var har í september 2017. Saman við Peturi Karl av Rana, bónda, ganga vit í Botn

22-05-2023

Við Tórði á túri á Grønlandsvegnum í Havn

Býlingurin úti í Grønlandi í vesturbýnum í Havn fekk hetta navnið, tí havnarfólk hildu at hann var so langt burtur. Einaferð var Grønlandsvegurin longsta postrutan í Havn

15-05-2023

Við Tórði á túri á Krígssavninum í Vágum

Krígssavnið lýsir ein serligan kapittul, sum broytti nógv føroyska samfelagið. Umfatandi arbeiði fer fram í grøna SOR-bygninginum, samstundis sum framsýningin er opin

08-05-2023

Við Tórði á túri á Fiskaaling við Áir

Laksalúsin er lítil í vavi, men hon fyllir nógv í alivinnuni, og tað ger hon eisini hjá granskarunum á Fiskaaling við Áir. Har finna tey nýggjar loysnir í alivinnuni

01-05-2023

Við Tórði á túri við orkestrinum Ælaboganum

Orkestrið Ælabogin er nú 25 ár. Orkestrið fyri menningartarnað hevur framvegis stóran týdning nú spæla 38 fólk við í orkestrinum. Tey halda merkisdagin við uttanlandsferð

17-04-2023