Við Tórði á túri

Við Tórði á túri í Aalborg - fyrri partur
30-10-2023
Aalborg er ein nógv broyttur býur, frá at vera ein gráur ídnaðarbýur er hann blivin ein mentanarbýur við nógvum lesandi ungfólkum. Vit hoyra at føroyingar trívast væl í býnum

Vit hitta Lisbeth Solmunde Michelsen, prest, í vøkru Vor Frue kirke í miðbýnum í Aalborg, her hon hevur verið avloysari. Hóast hon er farin um tey sjeyti, er hon framvegis virkin sum prestur. Hon hevur framvegis nógvar kirkjuligar tænastur fyri føroyingar í Danmark og alt er sjálvboðið. Ein prestur er fyri føroyingar í Keypmannahavn og Lisbeth heldur, at tað er eisini stórur tørvur á einum starvi sum prestur fyri føroyingar í økjunum utt anfyri Keypmannahavn.

 

29 ára gamli Hans Jákup Abrahamsen úr Oyndarfirði hevur frammanundan verið kokkur. Nú gongur hann fyrsta árið á læraraskúla í Aalborg, og hann ætlar sær heimaftur til Føroya so skjótt sum hann verður liðugur. Kortini trívist hann væl í Aalborg og hann hevur ein stóran vinaskara.

 

Vitjað verður í einum føroyskum bindiklubba í Aalborg. Hann hevur verið til í 33 ár og tær siga, at tær binda millum lítið og einki tá tær koma saman einaferð um mánaðin. Tað er mest hugnin og samveran, sum hava týdning. Tað var í Føroyingafelagnum Álaborg at tær fingu hugskotið til bindiklubban.

 

Klaksvíkingurin Gunnar Jørgensen hevur stovnað G. Jørgensen Aps, sum er eitt arkitekta- og verkfrøðingafelag, ið teknar og ráðgevur mest í sambandi við virkisbygningar. Beint nú fyrireika  teir eina nálaverksmiðju hjá Novo Nordisk, sum fer at kosta omanfyri eina hálva milliard krónur. Fimm mans arbeiða hjá felagnum og allir eru føroyingar. 

 

Christa Ellefsen Blåsvær úr Havn er kommunulækni í Aalborg, og saman við trimum øðrum kommunulæknum hevur hon fingið nýggj og snotilig viðtaluhøli á gongugøtuni. Nógv er gjørt burtur úr bæði litum, ljósi og og ikki minst ljóðviðurskiftunum. Christa sigur, at nógvir føroyingar í Aalborg, sum hava brúk fyri kommunulækna, koma higar.

 

Føroyingar í Aalborg hava fingið seksmannafarið Herning frá Knørrafelagnum í Havn og hann eitur nú Álurin. Áhugin at rógva er stórur og tey hava fýra manningar - tvær við monnum og tvær við kvinnum. Tey ætla at bjóða hinum føroysku manningunum í Danmark av í kappingum.

 

Tey, sum eru við í hesum fyrra partinum í Aalborg, eru: Lisbeth Solmunde Michelsen, Hans Jákup Abrahamsen, Sólgerð Torp, Annika Jensen, Majken Dam Frederiksen, Ellen Dalsgarð, Heidi Haraldsen, Gunnar Jørgensen, Allan Midjord, Teitur Olsen, Krista Ellefsen Blåsvær, Steinar á Tórgarði og Karina Spange Davidsen.

Við Tórði á túri

Í sendingini "Við Tórði á túri", sum verður send í Útvarpinum mánadag klokkan 17:05, vitjar Tórður Mikkelsen við mikrofonini bygdir og býir kring landið og varpar ljós á gerandisdagin hjá fólki. Forvitnið er drívmegin og evni, ið ikki skapa yvirskriftir í miðlunum, hava mangan stóran týdning fyri fólkið á staðnum. Tað eru nógvar smærri bygdir kring landið, sum sjáldan fáa pláss í miðlunum, men sum avgjørt hava sína søgu. Og hvørt menniskja hevur eina søgu at fortelja. Tað hoyra vit í reportasjunum í Útvarpinum mánadag klokkan 17:05. Fyri at skapa eina variatión í sendingunum, vitjar Tórður Mikkelsen viðhvørt býlingar og ávísar gøtur. Hann hevur eisini lýst serlig tiltøk, m.o. Bindifestivalin og Sjómannadagin, og onkuntíð er hann á túri í øðrum londum.
Við Tórði á túri á Sevmýri á Tvøroyri
Í dag er túrurin í býlinginum á Sevmýri, har nógvar søguligar uppgerðir hava verið í fótbólti, men her henda stórar broytingar júst nú. Og vit hitta fleiri fólk, ið búgva her
15-04-2024
Við Tórði á túri við Petur Jacobi Sigvardsen
Høvuðspersónurin á túrinum í dag er 91 ára gamli gjáarmaðurin Petur Jacob Sigvardsen, sum hevur givið fleiri og 20 bøkur út eftir at hann bleiv pensiónistur
25-03-2024
Við Tórði á túri við demenskórinum Sangfuglum
Tey hava sungið nærum kring alt landið, og tað er hugtakandi at hoyra og síggja kórið Sangfuglar við minnisveikum fólkum framføra kórsang. Kórið hevur verið til í seks ár
18-03-2024
Við Tórði á túri á kvinnudegnum
Í ár varð serliga nógv gjørt burtur úr í sambandi við kvinnudagin 8. mars. Tiltøk vóru alla vikuna og vit hoyra um nøkur á hesum túrinum.
11-03-2024
Við Tórði á túri á Breiðabliki í Havn
Fyrstu sethúsini í býlinginum á Breiðabliki í Havn vórðu reist fyri góðum 20 árum síðani. Og í dag vita tey, sum har búgva, at siga frá nógvum søgum
04-03-2024
Við Tórði á torratúri í Klaksvík
Fyri 18. ferð hava torradagar verið í Klaksvík. Eitt tiltak, sum samlar nógv fólk í sambandi við fiskivinnu og mentan. Á hesum túri vitja vit fleiri av tiltøkunum
26-02-2024
Við Tórði á túri á Gamla Hospital
Gamla Hospital í Havn, sum varð tikið í brúk í 1829, kemur nú til heiður og æru aftur. Í 43 ár hava Vanja Petersen og onnur arbeitt við at fáa tað til eitt savn ov fortíðina
19-02-2024
Við Tórði á túri á Mini Teen Street á Kambsdali
Næstseinasta vikuskifti var ein hópur av tannáringum á Mini Teen Street á Kambsdali. Í sendingini hitta vit fleiri, sum eisini plaga at vera á altjóða leguni í Týsklandi
12-02-2024
Við Tórði á túri á Garði í Keypmannahavn
400 ára gamli studentagarðurin í Keypmannahavn, Regensen, er framvegis siðbundin studentagarður og har búgva í dag fimm føroyingar. Teir gomlu siðirnir eru framvegis á Garði
05-02-2024
Við Tórði á túri í egningarskúrunum á Stongunum í Klaksvík
Útróðrarbátar í Klaksvík fáa nógvan fisk, tá tað viðrar at sleppa út. Teir eru á einum máli um, at teir hava ikki niðurfiskað toskastovnin og teir eru ósamdir við frøðingarnar
29-01-2024
Við Tórði á túri í Tilhaldinum millum Bóla í Kollafirði
Pensjonistar í Kollafirði hugna sær í Tilhaldinum millum Bóla. Men tey halda, at tey kundu verið nógv fleiri. Tilhaldið er 35 ár og tey siga, at tað var fyrsa av sínum slag
22-01-2024
Við Tórði á jólatúri
Tráan eftir farnari tíð, siðvenjur og hugni eru nøkur ting, vit seta í samband við jólatíðina. Í dag vitja vit kring landið og hesin túrur er merktur av jólafyrireiking
18-12-2023