- Tíðindi, mentan og ítróttur
Hov: Delmar Tausen heldur fram sum borgarstjóri
Hov: Delmar Tausen heldur fram sum borgarstjóri
Skattaprosentið í kommununi lækkar á nýggjárinum, og samstundis hækkar barnafrádrátturin
21.12.2012 - 09:04
Delmar Tausen heldur fram sum borgarstjóri í Hovs kommunu, og Jónsvein Hovgaard heldur fram sum varaborgarstjóri.
Hetta er triðja skeiðið hjá Delmari Tausen sum borgarstjóri. Hann hevur sitið í kommunustýrinum í 16 ár. Hini, sum manna bygdarráðið í Hovi, eru: Niels Hammer, Bergljót Ludvig og Annika Joensen.
Lækka skatt og hækka barnafrádrátt
Kommunan hevur samtykt at lækka skattaprosentið 1. januar við einum hálvum prosentstigi, niður í 20 prosent. Samstundis verður barnafrádrátturin hækkaður, úr 5.000 upp í 6.000 kr. fyri barnið.
Í Hovi hevur verið arbeitt við at leggja nýggja kloakk, og tað arbeiðið er mestsum liðugt, sigur borgarstjórin.
Kommunan hevur eisini umrøtt at vetrarfriða bygdina. Skal tað gerast, skal avtala gerast við teir fýra hagapartarnar, sum eru, og tað fer helst at kosta eina hálva miljón kr., sigur Delmar Tausen, borgarstjóri.
Nýggjastu sendingar í ÚV
Nýggjastu sendingar í SV