- Tíðindi, mentan og ítróttur
Samgongan klárar seg framvegis undir meðal
![](https://kvf.fo/sites/default/files/styles/grein-ovasta-mynd/public/27f0103aa16f75ab69d69b81028c3cef.png?itok=ChZCAK70)
Samgongan klárar seg framvegis undir meðal. Tað vísir kanningin, sum Gallup hevur gjørt fyri Kringvarpið, Miðlahúsið, Portalin og Norðlýsið.
Sí eisini Grafikkur: Her er úrslitið av veljarakanningini
Á einum stiga, frá 1 til 10, har 10 er "framúrskarandi" og 1 "sera illa," fær samgongan karakterin 4,1. Tað er tað sama sum í februar og juli í fjør. Bestu undirtøkuna fekk samgongan í desember í fjør, tá karakterurin var 4,6.
18-24 ára gomul besta skoðsmálið
Tað eru tey 18-24 ára gomlu, sum geva samgonguni besta skoðsmálið, 4,6. Tey, sum eru í aldursbólkinum 25-39 ár og 40-49 ár, geva samgonguni ringasta karakterin, 3,9.
Sí eisini Veljarakanning: Samgongan hevði mist meirilutan
Vágafólki dámar best samgonguna. Tey geva henni karakterin 4,9. Veljarar í Suðurstreymi geva samgonguni karakterin 3,7 og sandoyingar geva henni karakterin 3,6.
Sí eisini Kanning: Løgmaður ongantíð klárað seg so illa sum nú