Veljarakanning: Samgongan hevði mist meirilutan

16.09.2013 - 11:55
AktueltPolitikkur
Veljarakanning: Samgongan hevði mist meirilutan
Fólkaflokkurin missir tveir tingssessir og Sambandsflokkurin ein, sum fara til Tjóðveldi og Javnaðarflokkin. Tjóðveldi hevði verið størsti flokkur, var løgtingsval nú
Fólkaflokkurin og Sambandsflokkurin høvdu mist tilsamans tríggjar tingmenn, og tí hevði samgongan mist meirilutan, vísir nýggjasta veljarakanningin
 

Samgongan hevði mist meirilutan, var løgtingsval nú, og Tjóðveldi hevði verið størsti flokkur. Fólkaflokkurin hevði mist tveir tingsessir, og Sambandsflokkurin ein. Teir høvdu farið til Tjóðveldi og Javnaðarflokkin.

Tað vísir ein veljarakanning, sum Gallup hevur gjørt fyri Kringvarpið, Miðlahúsið, Portalin og Norðlýsið. Kanningin er gjørd frá 5. til 11. september. 538 fólk eru spurd í kanningini.

Fólkaflokkurin størstu afturgongdina

Sambært kanningini hevði Fólkaflokkurin mist 5,4 prosentstig av atkvøðunum samanborið við løgtingsvalið í oktober 2011, og hevði fingið 17,2  prosent. Fólkaflokkurin hevði mist tveir tingsessir, og hevði fingið seks.

Sí eisini Kanning: Løgmaður ongantíð klárað seg so illa sum nú

Afturgongdin hjá Sambandsflokkinum hevði verið 2,6 prosentstig samanborið við úrslitið á løgtingsvalinum. Sambandsflokkurin hevði fingið 22,1 prosent, og hevði mist ein tingsess. Hann hevði fingið sjey tingsessir.

Sjálvstýrisflokkurin hevði havt eina lítla framgongd, og hevði varðveitt sín tingsess. Miðflokkurin hevði havt eitt prosentstig í afturgongd, men hevði kortini varðveitt sínar tveir tingsessir.

Tjóðveldi størst

Kanningin vísir, at Tjóðveldi hevði verið størsti flokkur, og hevði fingið 23,6 prosent av atkvøðunum, var val nú. Tað eru 5,3 prosentstig fleiri enn á løgtingsvalinum. Tjóðveldi hevði fingið tveir sessir afturat, og hevði havt átta tingsessir.

Sí eisini Samgongan klárar seg framvegis undir meðal

Javnaðarflokkurin hevði fingið 21,7 prosentum. Tað eru 3,9 prosentstig fleiri enn á løgtingsvalinum. Javnaðarflokkurin hevði fingið ein tingsess aftrat, og hevði havt sjey tingsessir.

Framsókn hevði havt eina lítla afturgongd, men hevði varðveitt báðar sínar tingsessir, var val nú, vísir kanningin hjá Gallup.

Sí eisini Grafikkur: Her er úrslitið av veljarakanningini

 

Er kopiera
Nýggjastu sendingar í ÚV
Fríggjadag 24. september
Morgunlestur fríggjadagur 24. september 2021
128854
Hósdag 23. september
RagnarRokk 23.September 2021
128727
Hósdag 23. september
RagnarRokk: Dennis DeYoung um 26.East Vol.2
128720
Hósdag 23. september
LEITISSTEIN 21.09.2021
128957
Hósdag 23. september
Góðan morgun Føroyar 23.09.2021
128941
Nýggjastu sendingar í SV
Mánadag 20. september
3-2
128833
Mánadag 20. september
VIDEO: Rundtúrur umborð á Jákupi Sverra
128807
Sunnudag 19. september
Guðstænasta úr Gøtu kirkju.
128771
Sunnudag 19. september
Andakt við Jógvan Zachariassen
128767
Fríggjadag 17. september
RagnarRokk Reyp 23.september 2021
128699