Tvøroyrar kommuna ger skjalasavn

11.12.2013 - 15:49
AktueltSamfelag
Tvøroyrar kommuna ger skjalasavn
Savnað verða øll skjøl um 1.000 ára gomlu bygdirnar Froðba, Trongisvág og Øravík. Har aftrat koma skjølini um nýggju bygdina Tvøroyri
Býráðið heldur seg hava skyldu at taka stig til at varðveita tilfarið til søguna
Mynd: © Tvøroyri 1890  
 

Tvøroyrar býráð samtykti á býrásfundi 10.12.2013 at 150.000 krónur til at stovna Tvøroyrar Skjalasavn. Tað skrivar heimasíðan hjá Tvøroyrar Kommunu.

Ætlanin er, at savna øll skjøl o.t. Tvøroyrar kommunu viðvíkjandi og at goyma tey í kommununi, - eitt nú uppskriftir, dagbøkur, myndir, filmar, ljóðbond og sjónbond.

Endamálið er, at tryggja, at tilfarið, ið er um fólk og virksemi í Tvøroyrar kommunu, verður varðveitt trygt í kommununi. Tilfarið verður atkomiligt til skúlaarbeiði og gransking, til framsýningar fyri borgarum og til ferðavinnuendamál.

Tilfar frá privatfólkum

Samskifti hevur verið við fólk, ið eiga søvn við skjølum um fólk og virksemi í Tvøroyrar kommunu.

Savnað verða øll skjøl um 1000 ára gomlu bygdirnar Froðba, Trongisvág og Øravík. Har aftur at koma skjølini um nýggju bygdina Tvøroyri, sum er søga fyri seg. Handilshús vórðu bygd í óbygdan haga, síðan vaks bygdin uttanum m.a. við tí sermerkta Valinum.

Kommuna skrivar, at eftir bara fáum árum vaks staðurin til at gerast millum teir størstu í Føroyum. Henda serliga menning er væl prógvað í skjølum.

Neyugt at varðveita

Býráðið er av teirri sannføring, at tað hevur skyldu at taka stig til at varðveita tilfarið til søguna, hvussu búplássið hevur ment seg frá elstu tíðum.

Og at fólk og stovnar her á staðnum, vilja hava røttu kenslur og virðing fyri lokalu skjølunum og ganga høgt upp í at varðveita tey.

 
Nýggjastu sendingar í ÚV
Mikudag 23. september
Breddin
113863
Mikudag 23. september
Nón 23. september 2020
113860
Mikudag 23. september
Góðan morgun Føroyar 23.09.2020
113837
Mikudag 23. september
Morgunlestur mikudagur 23. september 2020
113643
Týsdag 22. september
Breddin
113808
Nýggjastu sendingar í SV
Mikudag 23. september
Drúgt sjónvarp
113851
Mikudag 23. september
Myndir fyri sologuitar eftir Kára Bæk
113720
Týsdag 22. september
Fótbóltur: Føroyar - Hvítarussland
113812
Mánadag 21. september
3-2
113751
Mánadag 21. september
Fridtjof 100 ár
113746