Bjørn leggur skúlar í deplar

23.02.2015 - 08:06
AktueltPolitikkur
Bjørn leggur skúlar í deplar
Studentaskúlin og HF-skeiðið í Eysturoynni og deildin hjá Føroya Handilsskúla á Kambsdali verða løgd saman í ein skúladepil longu í vár
Nýggi skúladepilin í Marknagili skal verða liðugur til skúlaársbyrjan næsta ár.
 
 

Lógin, sum skal loyva landsstýrismanninum í mentamálum at skipa yrkisskúlar og miðnámsskúlar í skúladeplar, er send til hoyringar.

Lógin avger tó ikki, hvussu nógvir deplar vera, ella hvar í landinum, teir skulu vera.

Studentaskúlin og HF-skeiðið í Eysturoynni og deildin hjá Føroya Handilsskúla á Kambsdali verða løgd saman í ein skúladepil, ætlandi longu í vár.

Enn er ikki avgjørt, um Tekniski Skúlin í Klaksvík verður við í deplinum í Eysturoynni, um hann heldur fram sum sjálvsognarstovnur, ella hann verður sjálvstøðugur depil. 

Støða er heldur ikki tikin til at broyta bygnaðin hjá HF-skeiðnum í Klaksvík.

Fer í Marknagilsdepilin

Miðnámsskúlin í Suðuroynni er deild í Føroya studentaskúla og HF-skeiði og fer saman við teimum í Marknagilsdepilin.

Fiskivinnuskúlin í Vestmanna er sjálvstøðugur skúli. Ikki er avgjørt enn, um Fiskivinnuskúlin fer at varðveita sína støðu, ella um hann verður partur av onkrum depli. 

Tað upplýsti Bjørn Kalsø, landsstýrismaður, í løgtinginum herfyri.

Hann segði eisini, at søkt verður eftir stjóra til Marknagilsdepilin í mars.

Sí eisini

Nýggjastu sendingar í ÚV
Týsdag 19. februar
Morgunlestur týsdagur 19. februar 2019
90856
Mánadag 18. februar
Norðurljóð 18.februar 2019
91366
Mánadag 18. februar
Góðan morgun Føroyar 140219
91339
Mánadag 18. februar
Morgunlestur mánadagur 18. februar 2019
90855
Nýggjastu sendingar í SV
Mánadag 18. februar
AdAdam & Eva (3:8)
91271
Mánadag 18. februar
Kotan til kærleika (5:8)
90505
Mánadag 18. februar
Petra skal eiga (1:8)
91267
Mánadag 18. februar
Superheilar - Peter Lund Madsen (3:3)
91264
Mánadag 18. februar
3-2
91375