- Tíðindi, mentan og ítróttur
Boð eftir bjargingartyrluni tvær ferðir
Boð eftir bjargingartyrluni tvær ferðir
Bjargingartyrlan var fríggjadagin tvær ferðir á skipum eftir monnum. Fyrru ferðina hjá einum íslendskum skipi, seinnu ferðina hjá føroyskum skipi
19.04.2015 - 09:54
Tvær ferðirnar var boð efttir bjargingartyrluni hjá Atlantic Airways fríggjadagin, sigur vakthavandi hjá MRCC, Tórshavn, Eli Lyngvej-Larsen.
Fyrru ferðina var klokkan tvey fríggjanáttina. Tá fleyg tyrlan eftir einum manni á íslendska svartkjaktaskipinum, Beitir, ið var statt 110 fjórðingar sunnanfyri Suðuroynna.
Fáar tímar seinni, klokkan átta fríggjamorgunin, var tyrlan aftur á somu leið eftir einum manni. Ein maður umborð á Christiani í Grótinum varð tá flogin á Landssjúkrahúsið til viðgerðar.
Vakthavandi á MRCC Tórshavn vil ikki siga, hvat feilti monnunum, tyrlan var eftir. Bert at teir høvdu tørv á lækna og viðgerð, og at tyrlan tí fleyg menninar á Landssjúkrahúsið.
Nýggjastu sendingar í ÚV
Nýggjastu sendingar í SV