Hava skotið dómarnar inn fyri Landsrættin

Hava skotið dómarnar inn fyri Landsrættin
Tá Eystari landsrættur kemur til Føroya næstu ferð, fyrst í mars, skal hann viðgera lutin hjá Sea Shepherd í grindadrápinum í Bø 23. juli í fjør
Sea Shepherd hevur skotið dómarnar, felagsskapurin fekk í Føroya rætti fyri at órógva grindadrápið í Bø í juli í fjør (myndin), inn fyri Landsrættin, sigur advokaturin hjá Sea Shepherd í Føroyum
 
22.01.2016 - 16:08

Altjóða deildin hjá Sea Shepherd, Stichting Sea Shepherd Global, fekk 75.000 kr. í bót, og fýra Sea Shepherd fólk fingu ávikavist 25.000, 30.000 og 35.000 kr. í bót fyri at orógva drápið, tilsamans 165.000 kr.

Men Sea Shepherd hevur skotið dómarnar inn fyri Landsrættin, sigur advokaturin hjá Sea Shepherd í Føroyum, Jógvan Páll Lassen. Tí boðaði hann eisini frá, tá dómarnir fullu í Føroya rætti 7. august í fjør.

SÍ EISINI Dýrt at bróta grindalógina

Ákærin, Linda Hesselberg, segði, at hon fór at mótappellera. Hetta eru fyrstu dómarnir, sum eru sagdir í Føroya rætti eftir at grindalógin bleiv herd.

Tað bar til at viðgera ákæruna móti Stichting Sea Shepherd Global í fjør, tí ein leiðari hjá Sea Shepherd var í grindini í Bø. Hon hevði ferðaloyvi, visum, til Føroya.

Umsóknina um ferðaloyvi hevði Alex Corneliussen, stjóri í Stichting Sea Shepherd Global, undirskrivað.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585