OPEC: Oljuprísurin fer at hækka aftur

Í frágreiðingini fyri januar, sigur felagskapurin, at javnvág fer at koma fer at koma í aftur útboðið og eftirspurningingin eftir olju.

OPEC fer framvegis at selja nógva olju, og endamálið er at fáa USA at gevast við at leggja so stóran dent á sonevndu skiferoljuna, sum nú ger, at USA fyri fyrstu ferð í 40 ár, hevur givið loyvi til at útflyta olju.

Saudiarabia er sera misnøgt við, at USA hevur so nógva skiferolju, tí tað ger, at landið ikki keypir so nógva olju úr Saudiarabia, sum landið hevur gjørt.

SÍ EISINI Lægsti oljuprísur í 13 ár

Tí ynskir Saudiarabia at halda prísin lágan, tí sum frálíður, fer tað ikki at loysa seg hjá USA at halda fram við at útvinna skiferoljuna, og so fer prísurin at hækka aftur.

Londini í OPEC eru eisini samd um, at lági prísurin fer at hava við sær, at oljulond sum eru uttanfyri felagskapin, fara at minka um sína oljusølu.

Sølan gevur hall, og tað fer so at hava við sær, at oljuprísurin fer at hækka, stendur í frágreiðingini fyri januar hjá OPEC.