Landsrætturin lækkaði bótina

17.03.2016 - 11:19
AktueltSamfelag
Landsrætturin lækkaði bótina
Føroya Rættur dømdi trý fólk hjá Sea Shepherd at bøta ávikavist 30.000 og 35.000 krónur. Landsrætturin hevur í morgun lækkað bótina
Landsrætturin lækkaði í morgun bótina hjá trimum Sea Shepherd-fólkum, sum í Føroya rætti vórðu dømd at rinda ávikavist 30.000 og 35.000 krónur, fyri teirra lut í grindadrápinum í Bø í juli í fjør (myn
 

Landsrætturin hevur lækkað bótina hjá trimum fólkum í Sea Shepherd-felagsskapinum fyri teirra lut í grindadrápinum í Bø 23. juli í fjør.

Føroya Rættur dømdi tey at bøta ávikavist 30.000 og 35.000 krónur, men Landsrætturin hevur lækkað bótina niður í 25.000 krónur.

Hinvegin staðfesti Landsrætturin avgerðina hjá Føroya Rætti, um at ein maður hjá Sea Shepherd, sum legði upp í grindadrápið í Bø, skal bøta 25.000 krónur.

SÍ EISINI Hava skotið dómarnar inn fyri Landsrættin

Landsrætturin hevur hækkað bótina hjá einum manni hjá Sea Shepherd, sum ikki vildi gera eftir boðum frá løgregluni, tá hann varð biðin um at flyta seg í sambandi við grindadrápið í Sandagerði í Havn, eisini 23. juli.

Bótin í Føroya Rætti var 5.000 kr., men Landsrætturin hækkaði hana upp í 12.500 kr. Landsrætturin hevur eisini staðfest avgerðina hjá Føroya rætti um, at Sea Shepherd skal gjalda 75.000 krónur í bót.

Jógvan Páll Lassen var verji hjá Sea Shepherd. Hann staðfestir, at Landsrætturin hevur brúkt tað, sum Vinnunevndin hjá Løgtinginum segði um revsingina fyri at bróta grindalógina.

 
Nýggjastu sendingar í ÚV
Mikudag 8. apríl
Annar sangur á Nabb
107252
Týsdag 7. apríl
Tempo: Petra (1:2)
107500
Týsdag 7. apríl
Leitisstein 06.04.2020 (&Sørensen)
107333
Nýggjastu sendingar í SV
Týsdag 7. apríl
Drúgt sjónvarp
107332
Mánadag 6. apríl
Úr savninum: Kennir tú land títt? (2:3)
107297
Sunnudag 5. apríl
Andakt við Bergtóri Hjelm Bjarkhamar
107272
Sunnudag 5. apríl
Familjumøti úr Kelduni
107261
Sunnudag 5. apríl
Guðstænasta úr Havnar kirkju
107262