»Bara« farin frá fyribils | Kringvarp Føroya

»Bara« farin frá fyribils

Íslendski forsætisráðharrin Sigmundur Davíð Gunnlaugsson er ikki farin frá, men er farin úr forsætisráðharrasessinum í óásetta tíð

Sigmundur Davíð Gunnlaugsson er ikki farin frá, men er farin úr forsætisráðharrasessinum í óásetta tíð, sigur skrivstovan hjá forsætisráðharranum í tíðindaskrivi

Mynd: Savnsmynd/AP

Bogi Godtfred

Bjarni Mohr

06.04.2016 - 08:21

Sigmundur Davíð Gunnlaugsson heldur fram sum formaður í Framsóknarflokkinum. Ímeðan røkir næstformaðurin í Framsóknarflokkinum, Sigurður Ingi Jóhannsson, starvið.

Hann hevur verið landbúnaðarmálaráðharri. Tað stendur í tíðindaskrivi, sum skrivstova forsætisráðharrans sendi út í gjárkvøldið.

SÍ EISINI Krevja at forsætisráðharrin fer frá

Har stendur eisini, at forsætisráðharrin og kona hansara ongantíð hava roynt at fjala ognir sínar fyri íslendsku skattamyndugleikunum.

Ognirnar í felagnum Wintris hava staðið í navninum hjá konu forsætisráðharrans, tær hava verið givnar upp síðani 2008, og skattur hevur verið goldin í Íslandi.

Skyldan hjá altingslimum at boða frá ognum sínum er ikki brotin, verður sagt í tíðindaskrivinum, ið skrivstovan hjá forsætisráðharranum sendi út týskvøldið.