Kristin koyrdur av javnaðarlistanum

Borgarstjórin á Tvøroyri síðani 2002, javnaðarmaðurin Kristin Michelsen stendur ikki á vallistanum hjá Javnaðarflokkinum til kommunuvalið.

Signar Dam, formaður í Suðuroyar Norðara Javnaðarfelag sigur við Kringvarpið,  at Kristin Michelsen hevur givið nevndini orsøk til at ivast í, um hann er á listanum ella ikki, m.a. tí hann vildi hava semju ella avtalu um, at tann, ið fekk flestar atkvøður, skuldi vera borgarstjóraevnið hjá flokkinum, og tí Kristin Michelsen, sambært Signari Dam, hevur roynt at sloppið á annan lista. Hetta er borgaralistin, sum hevði uppstillingarfvrund í gjárskvøldið.

Kringvarpið fekk orð á Kristin Michelsen fyri løtu síðani, men einasta viðmerkingin var:

- Eg havi ikki tíð nú!

Evstamark at lata valnevndini ella kommununi vallistan er um ein tíma, klokkan 18.