Röddin

VIT

 

Høgni Egilstoft Nielsen vunnið IM-norm

Mynd: Savnsmynd  

Høgni Egilstoft Nielsen hevur í dag tryggjað sær fyrsta IM-normin
05.01.2017 - 15:49
 

19 ára gamli telvarin Høgni Egilstoft Nielsen úr Sandavági hevur í dag tryggjað sær fyrsta IM-normin, sum er fyrsta stigið á leiðini at gerast altjóða meistari í talvi. 

Høgni - og bróðirin Rógvi - hava á nýggjárinum verið við í sterkari altjóða kapping í Svøríki - Rilton Cup. Fleiri enn hundrað telvarar hava verið við - eisini nógvir stórmeistarar og altjóða meistarar.

Kappingin endaði í dag. Høgni vann í seinasta umfari á svenska stórmeistaranum Pia Cramling, sum í síni tíð var mett sum fremsta kvinna í heiminum at telva.

Høgni fekk 5½ stig og endaði nummar 16 í røðini. Eldri bróðirin Rógvi fekk 4½ stig.

Høgni Egilstoft Nielsen gjørdi hol í sjógvin í føroyskari telving í 2014, tá ið hann sum 16 ára gamal vann hvørt talv í meistarabólkinum í árligu FM-kappingini, og gjørdist yngsti føroyameistari nakrantíð.

Kravið fyri at gerast altjóða meistari er, at tú fær tríggjar IM-normar, og at styrkitalið er omanfyri 2400. 

Fyri kappingina í Svøríki var styrkitalið hjá Høgna 2262, men við góða úrslitinum í Svøríki hækkar talið samsvarandi.

Fleiri føroyskir telvarar hava IM-normar, men bara tveir - John Rødgård og John Arni Nilssen - eru altjóða meistarar.

Helgi Dam Ziska gjørdist í 2007 triði altjóða meistarin í Føroyum, men hann er sum kunnugt síðani vorðin stórmeistari.

Høgni Egilstoft Nielsen er sonur Torkil Nielsen, sum var føroyameistari í talvi tríggjar ferðir í síni tíð.

 

Les eisini

kurvaboltur.jpg

Sporðdrekin vann grannauppgerðina

Sporðdrekin fekk sítt fyrsta stig í landskappingini í ár, tá teir vunnu á Hamar

Tíðindi

ase00754_as694_nu_gror_1_17051992._0044.jpg

KvF 60 ár: Nú grør 1:4

Føroysk urtagarðssending frá 1992

Beinta Løwe Vilja ikki siga nógv um fiskivinnunýskipanina

Samband er enn millum samgonguna og Sambandsflokkin um málið

Læraraskúlanæmingar Lærarar missa kreativa undirvísing

Leiðslan á námsvísindadeildini hevur strikað kreativu breytina

Súsanna Olsen Bústaðarmarknaðurin illa sperdur

Súsanna Olsen, stjórnmálafrøðingur, heldur verkætlanina hjá sjálvsognarfelagnum vera áhugaverda