Tunnilsgjaldið verður ikki strikað

Løgtingið feldi í gjár uppskotini hjá Sambandsflokkinum um, at Vágatunnilin og Norðoyatunnilin verða latnir landinum ókeypis ávikavist 1. mai í ár og 1. mai næsta ár.

Og somu dagar fellur bummgjaldið burtur, tað var 1. mai í ár í Vágatunlinum og 1. mai 2018 í Norðoyatunlinum.

SÍ EISINI Krevja ókeypis koyring

Fyri at fáa landskassanum pengar til at reka teir báðar undirsjóvartunlarnar, tá bummgjaldið er strikað, mælti Sambandsflokkurin samstundis til at hækka vektgjaldið og gjaldið á bensini og dieseli. 

Sambandsflokkurin væntaði eisini, at tríggjar milliónir krónur verða spardar, tá feløgini, ið hava umsitið tunlarnar, verða tikin av. Níggju atkvøddu fyri uppskotunum hjá Sambandsflokkinum og 16 ímóti.