Brexit: Ein triðingur ætlar at flyta

08.08.2017 - 07:54
AktueltÚtheimurin
Brexit: Ein triðingur ætlar at flyta
36 prosent av ES-borgarum í Bretlandi umhugsa at flyta innan fimm ár
 

Nógvir ES-borgarar, sum búgva í Bretlandi, umhugsa at flyta av landinum næstu árini.

Ein kanning, sum Deloitte hevur gjørt, vísir, at 36 prosent av ES-borgarunum, sum búgva og arbeiða í Bretlandi, umhugsa at flyta innan fimm ár.

Tað skrivar DR.

Tað búgva umleið tríggjar milliónir útlendingar í Bretlandi, sum eru úr øðrum ES-londum.

Fólkaatkvøða

Bretland skal úr ES.

Tað avgjørdi ein meiriluti av bretum á fólkaatkvøðu í fjør. Samráðingarnar um skilnaðin, um Brexit, skulu vera lidnar fyri apríl í 2019. 

Kanningin vísir, at tað serliga eru tey, sum hava langar útbúgvingar, sum umhugsa at flyta úr Bretlandi.

Fyrst í 2018 verður greitt, hvørjar treytir útlendingar skulu lúka fyri at kunna verða verandi í Bretlandi. 

 
Nýggjastu sendingar í ÚV
Nýggjastu sendingar í SV
Sunnudag 19. mai
Andakt við Pól í Skorini
94638
Sunnudag 19. mai
Guðstænasta í Sjóvar kirkju
94640
Fríggjadag 17. mai
Andakt við Bergtóri Hjelm Bjarkhamar
94619
Fríggjadag 17. mai
Guðstænasta úr Havnar kirkju
94615