ES væntar at missa veiðirættindi í norskum sjógvi

10.08.2017 - 08:06
AktueltPolitikkur
ES væntar at missa veiðirættindi í norskum sjógvi
Brxit kann hava við sær, at Noreg missir áhugan fyri ES-sjógvi, tí norsk skip fiska mest í bretskum sjógvi
Norðmenn hava lítlan áhuga fyri fiskirættindum í ES-sjógvi
Mynd: © WWF Norge  
 
 

Fiskivinnan í ES stúrir fyri atgongdini til norskan sjógv, tá Bretland fer úr ES um tvey ár, skriva Fiskifrettir í Íslandi.

Noreg hevur lítlan áhuga fyri fiskirættindum í ES sjógvi eftir Brexit, tí norsk skip fiska so at siga bara í bretskum sjógvi.

Tað stendur í frágreiðing, sum varð gjørd fyri fiskivinnunevndina hjá ES. 

Tey, sum gjørdu frágreiðingina, hava lagt til merkis, at Noreg hevur lítlan áhuga fyri at sleppa at fiska hjá ES, eftir at Bretland er farið úr ES. 

Vilja ikki missa rættindi

Men fiskiskip í ES fiska nógv í norskum sjógvi. Og tey rættindi vilja tey, sum vera man, ikki missa.

Í frágreiðingini hjá fiskivinnunevndini í ES verður mælt til, at atgongdin hjá norskum fiskavørum á ES-marknaðin er tengd at rættindunum hjá ES-flotanum í norskum sjógvi.

ES noyðist tí at gera nýggjan fiskirættindasáttmála við Noreg.

Frágreiðingin nevnir grønlendsku loysnina. Grønland fór úr ES í 1985. 

ES slapp tó at fiska í grønlendskum sjógvi, og Grønland fekk tollfrælsi fyri fiskavørur í ES, skriva Fiskifrettir.

Bretland noyðist at gera nýggjar sáttmálar við nógv lond, millum annað við Føroyar, um fiskirættindi, tá sáttmálarnir hjá ES ikki longur vera galdandi fyri Bretland.

Nýggjastu sendingar í ÚV
Sunnudag 23. september
Meg minnist: Jákup Mikal Mikkelsen (2:2)
85431
Sunnudag 23. september
Guðstænasta í Haldórsvíkar kirkju
85660
Sunnudag 23. september
Einsamallur úti á opnum havi
85609
Leygardag 22. september
Morgunlestur leygardagur 22. september 2018
85416
Nýggjastu sendingar í SV
Sunnudag 23. september
Andaktin
85659
Týsdag 18. september
25 minuttir: Todi Jónsson
85504
Mánadag 17. september
3-2
85464
Sunnudag 16. september
Guðstænasta úr Vesturkirkjuni
85398
Leygardag 15. september
Andaktin
85382