Gigni fær av grovfílini frá Landsgrannskoðanini

30.08.2017 - 11:58
AktueltHeilsa
Gigni fær av grovfílini frá Landsgrannskoðanini
Feilir og vánalig umsiting merkja roknskapin hjá Gigni, sum skal geva ungum og børnum heilsutænastur
Fyrbils er Gigni stýrt úr Heilsutrygd, men ein bygnaðarbroyting er veg.
 
 

Feilir og vánalig umsiting merkja roknskapin hjá Gigni.

Tað er niðurstøðan hjá Landsgrannskoðanini um roknskapin hjá Gigni fyri 2016.

Landsgrannskoðanin sigur, at leiðslan í Gigni hevur ikki víst hóskandi fíggjarligan atburð í sambandi við ognir og virksemið.

Nevnd verða væntandi skjøl og veikt ella einki innaneftirlit.

Ivi um keypskort

Keypskort eru brúkt soleiðis, at ivi er um, at keypt er fyri kortini til at reka stovnin Gigni. 

Sambært frágreiðingini hjá Landsgrannskoðanini er leiðslan hjá Gigni sum heild samd í, at roknskaparviðurskiftini vóru ikki nóg góð, at brúk er fyri betri skjalfesting, at gjalda rokningar rættstundis og stemma av javnan. 

Fíggarmálaráðið fekk fyribils frágreiðing frá Landsgrannskoðanini 28.februar. Nú er endaliga frágreiðingin komin.

Heilsumálaráðið er ógegnut, tí landsstýriskvinnan arbeiddi hjá Gigni, áðrenn hon fór í landsstýrið.

Nógv dømi

Í frágreiðingini hjá Landsgrannskoðani, sum er fýra síður, eru nógv dømi um, at pengarnir hjá Gigni eru brúktir vánaliga. 

Bjarta Vilhelm, sum var stjóri í Gigni, segði seg úr starvinum 1.juli. - Tá varð Gigni umsitingarliga lagt undir Heilsutrygd og stjórin har, Egil á Bø, er settur sum fyribilsstjóri.

32 fólk starvast í Gigni, sum fæst við heilsutænastur til børn og ung.

Nýggjastu sendingar í ÚV
Sunnudag 17. juni
Jazzofonin 30 mei 2018
81991
Sunnudag 17. juni
Chorus 17. juni 2018
81990
Sunnudag 17. juni
"Eg gav skeivan heilivág"
81936
Nýggjastu sendingar í SV
Sunnudag 17. juni
Andaktin
81999
Sunnudag 17. juni
Guðstænasta úr Dómkirkjuni
81994
Leygardag 16. juni
Video: Eystanstevna, 8mf
81982
Leygardag 16. juni
Video: Eystanstevna 2018, 10mf
81980
Leygardag 16. juni
Video: Eystanstevna 2018, 5mf kvinnur
81979