Tveir tímar ov stutt tíð til herd krøv um dálking

04.09.2017 - 07:05
AktueltTøkni
Tveir tímar ov stutt tíð til herd krøv um dálking
Kunngerð á veg um skip, sum dálka. Eitt krav í nýggju kunngerðini er ov hart, heldur Reiðarafelagið fyri farmaskip
Útlendsk skip bíða leingi millum oyggjarnar eftir næstu last.
 
 

Tveir tímar eru ov lítið, men 12 tímar eru hóskandi.

Tað heldur Reiðarafelagið fyri farmaskip um uppskotið um kunngerðina um luftdálking frá skipum.

Skip, sum koma til Føroya, skulu brúka olju, sum lýkur krøvini í kunngerðini um svávul.

Hetta er tó ikki galdandi fyri skip í fastari rutusigling, sum liggja við bryggju styttri enn tveir tímar.

Reiðarafelagið fyri farmaskip heldur, at uppskotið neyvan er vent móti virknari vinnu, men heldur móti skipum, sum liggja við bryggju ella fyri akker í Føroyum í longri tíð. 

Felagið heldur tí, at tveir tímar eru ov stutt tíð sum avmarking hjá skipum at liggja.

Reiðarafelagið fyri farmaskip mælir til, at tíðarskeið verður 12 tímar. 

Harðari krøv til skip

Føroysku krøvini um, hvussu nógv skip sleppa at dálka luftina, verða herd við kunngerð um luftdálking frá skipum.

Endamálið við kunngerðini er fyrst og fremst at avmarka svávuldioxid í roykinum frá skipum. 

Krøv verða sett um, hvussu nógv svávul kann vera í brennioljuni.

Harafturat eru reglur um at brenna burturkast á skipum.

Við kunngerðini fara Føroyar at hava somu reglur um svávuldioxid frá skipum sum grannalondini hava.

Útlendsk skip liggja millum oyggjar í Føroyum, meðan tey bíða eftir farmi, tí her sleppa tey at dálka meira enn í Danmark til dømis.

Nýggjastu sendingar í ÚV
Sunnudag 15. juli
HM-tíðindi 15. juli
83350
Sunnudag 15. juli
Arkitekturur á útoyggj - Svínoy
83034
Sunnudag 15. juli
Gudstænasta í Sandavágs kirkju
83346
Leygardag 14. juli
Fríðtíð og náttura (2:4)
83308
Leygardag 14. juli
Morgunlestur leygardagin 14. juli 2018
82851
Nýggjastu sendingar í SV
Leygardag 14. juli
Video: Vestanstevna 2018, 10mf
83337
Leygardag 14. juli
Video: Vestanstevna 2018, 5mf kvinnur
83336
Leygardag 14. juli
Video: Vestanstevna 2018, 8mf
83335
Leygardag 14. juli
Video: Vestanstevna 2018, 6mf menn
83334
Leygardag 14. juli
Video: Vestanstevna 2018, 5mf dreingir
83333