- Tíðindi, mentan og ítróttur
90 fólk deyð av jarðskjálvtanum í Meksiko
90 fólk deyð av jarðskjálvtanum í Meksiko
Hetta er harðasti skjálvti, sum er máldur í landinum síðani 1985
10.09.2017 - 12:43
90 fólk eru higartil funnin deyð eftir harða jarðskjálvtan í Meksiko hósdagin.
Ein talsmaður fyri sivilu myndugleikarnar í landspartinum Oaxaca upplýsir, at 71 fólk eru funnin deyð í landspartinum.
Í Chiapas hava í minsta lagi 15 fólk latið liv, og fýra eru deyð í landspartinum Tabasco.
Jarðskjálvtin hevði miðdepil umleið 60 fjórðingar í einum útsynning úr landspartinum Chiapas.
Hetta er harðasti skjálvti, sum er máldur í Meksiko síðani 1985.
Umleið 120 milliónir fólk búgva í Meksiko, og skjálvtin rakti umleið 50 milliónir fólk meira og minni, upplýsir forsetin í landinum, Pena Nieto.
Nýggjastu sendingar í ÚV
Nýggjastu sendingar í SV