- Tíðindi, mentan og ítróttur
Tvey nýggj kommunulæknastørv
Tvey nýggj kommunulæknastørv
Nú fara tveir nýggir kommunulæknar afturat at verða settir í starv. Annar verður settur í starv á Skálafjørðinum, og hin í Suðurstreymi.
19.10.2017 - 15:28
Løgtingið samtykti í dag at hækka játtanina til kommunulæknaøkið, so tað nú ber til at økja talið á kommunulæknastørvum við tveimum nýggjum størvum.
Sirið Stenberg, landsstýriskvinna, sigur í viðmerking, at hon fer beinanvegin at heita á Heilsutrygd um at lýsa størvini leys, so tey kunnu verða sett skjótast gjørligt, skrivar Heilsu- og innlendismálaráðið.
Landsstýriskvinnan og borgarstjórarnir í Runavíkar-, Nes- og Sjóvar kommunum eru samd um, at ein av teimum nú tilsamans fýra kommunulæknunum í Skálafjarðar læknadømi skal halda til í viðtaluhølunum á Strondum.
Økta talið á kommunulæknum fer eftir ætlan at hava við sær, at heilsutænastan til borgararnar í hesum økjum verður betri, enn hon er í dag.
Nýggjastu sendingar í ÚV
Nýggjastu sendingar í SV