Summartíð verður ikki broytt

10.11.2017 - 09:28
AktueltSamfelag
Summartíð verður ikki broytt
Landsstýrið hevur ongar ætlanir um at endurskoða skipanina um summartíð
Mynd: Savnsmynd  
 
 

So leingi flestu lond í Evropa hava summartíð, verður skipanin við summartíð eisini varðveitt í Føroyum.

Tað sigur Aksel V. Johannesen, løgmaður, í svari til Katrina Kallsberg, løgtingskvinnu, sum spurdi um málið.

Vit hava havt summartíð í Føroyum síðani 1981.

Løgmaður sigur, at vansarnir við summartíð eru ikki nógvir, tí summarhálvan í Føroyum er so ljós samanborin við onnur lond í Evropa.

Tey 37 árini, summartíð hevur verið ásett, hevur landsstýrið ikki fingið fráboðan um serligar vansar av at brúka í summartíð.

Í 1980 segði Orkuráðið í sínum ummæli, at orkunýtslan í Føroyum verður so lítið ávirkað av summartíð, at tað eigur ikki at verða avgerandi fyri, um summartíð skal setast í gildi. 

Reglurnar um summartíð í øllum Evropa eru ásettar við eini fyriskipan í ES-tinginum og ES- ráðharrastovninum, og so leingi flestu lond í Evropa hava summartíð, verður skipanin eisini galdandi í Føroyum, sigur Aksel V. Johannesen, løgmaður, í svarinum til Katrina Kallsberg.

Nýggjastu sendingar í ÚV
Nýggjastu sendingar í SV
Mikudag 22. november
Ámæli
74637
Týsdag 21. november
Savnsgull: Ungar hendur 3
74606
Týsdag 21. november
3-2
74577
Sunnudag 19. november
Guðstænasta úr Havnar kirkju
74474
Sunnudag 19. november
Andaktin
74473